Super Natural

အခုတော့ နာမည်တော်တော်ကြီးနေပါပြီ ကိုယ်တွေစကြည့်တုန်းက ဘယ်သူမှတောင်ကောင်းကောင်းမသိသေးဘူး အမှန်အတိုင်းဝန်ခံရရင် ကြည့်ဖူးသမျှ လူကား ( Not Anime ) တွေထဲမှာသူ့လောက်အပိုင်းရှည်ပြီး ( အခု Season 8 ထိ ) သူ့လောက် စွဲဆောင်မှုရှိတာ မတွေ့ဖူးသေးဘူး ။ Filler တွေပါပေမယ့် သူ့ Filler တွေကိုက ဆွဲဆောင်မှုရှိနေတာ . တခါတလေ Filler တွေတောင် မျှော်နေမိတဲ့အထိ ကောင်းတာ ။

ဇာတ်ကျောရိုးပြောရရင် Sam နဲ့ Dean ဆိုတဲ့ ညီအကိုနှစ်ယောက်ရှိတယ် ။ သူတို့ ငယ်ငယ်ကတည်းက Devil တစ်ကောင်ကြောင့် သူ့အမေသေပြီး သူတို့ အိမ်ပါ မီးလောင်သွားတယ် ။ သူတို့ မိဘ တွေ အစဉ်အဆက်က Devil Hunter တွေ . သူ့အမေသေပြီး သူ့အဖေကလည်း Devil Hunter အကြီးစားဖြစ်သွားတယ် ။ Sam ကတော့ ကျောင်းသား အောက်စဖို့ဒ်ကျောင်းသား သူ့အဖေရဲ့ Devil Hunting ကို စိတ်မဝင်စားတဲ့ ကျောင်းသား Dean ကတော့ သူ့အဖေနဲ့ အနေများတဲ့ ကောင်ပေါ့ ။ တနေ့ သူ့အဖေပျောက်သွားလို့ Dean က Sam့ကို အောက်စဖို့ဒ်ကိုလာရှာတယ် ။ တကယ်တော့ သူ့အဖေက သူတို့အမေကို သတ်ခဲ့တဲ့ မျက်လုံးဝါ နတ်ဆိုး ရဲ့နောက်ကို ခြေရာခံလိုက်နေခဲ့တာဖြစ်ပါတယ် ။ နောက်ပိုင်း Sam ပါ Devil Hunter ဖြစ်သွားတယ် ။ သူ့အမေ့ကို အဲ့ဒီလိုလုပ်ခဲ့တဲ့ မျက်လုံးဝါနတ်ဆိုးနောက်ကို လိုက်ရှာတယ် ။ အဲ့ဒီ့နောက်ပိုင် လူစီဖာပါ ထွက်လာတယ် ။ ပြောရရင် Season တစ်ခုမှာ တစ်ကောင်ထက် တစ်ကောင် အစွမ်းထက်တဲ့ Devil တွေပါလာတယ် ။ လူစီဖာ ( စေတန် ) ဆိုတာ Season One ရဲ့ Boss ပဲရှိသေးတယ် ။ နောက်ပိုင်း Devil တွေက ပိုပိုကြမ်းလာတယ် ။ တော်တော်လေးလည်းမိုက်တယ် ။

Series တစ်ခုလုံးကို ခြံ ုပြီးပြောရရင် အထင်ကြီးစရာကောင်းတဲ့အချက်က Devil တွေနဲ့ပတ်သတ်ပြီး တော်တော်စုံတာပဲ ။ ဘာသာတရားတွေ အရှေ့ တိုင်း အနောက်တိုင်းက Devil တွေ အစုံကိုပါလာတယ် ။ ပြီးတော့ တကယ့် သရဲတွေနဲ့ပတ်သတ်တဲ့ အခြေခံသဘောတရားတွေ ဘာတွေ ( ဥပမာ မကောင်းဆိုးဝါးဟာ ဆားကိုကြောက်တယ် ) ဆိုလည်း မိုက်တယ် ။

အဓိက ဇာတ်ကောင် ၂ ယောက်ဖြစ်တဲ့ Dean ( ပုံ – ဘယ် ) နဲ့ Sam ( ပုံ – ညာ ) ကို ယှဉ်ရင် သူ့ရဲ့ထီမထင်တဲ့ ဟန်ပန်ကြောင့် Dean ကို ပိုကြိုက်တဲ့လူများမယ်ကြပါတယ် ။